नेपाल आइडल विजेता नेब्रास्का आउदै

नेपाल आइडल विजेता  नेब्रास्का आउदै

नेपाल आइडल विजेता नेब्रास्का आउदै

नेपाल आइडल सिजन २ विजेताहरु आफ्नो साँगितिक धमाकाका लागि नेब्रास्का आउने भएका छन् । नेप्लीज नेब्रास्का सोसाइटी अमेरिकाले आगामी अप्रिल १९ शुक्रबारको दिन गर्न लागेको नया वर्ष रमझम साँझको अवसर पारी नेपाल आइडल टिमलाई नेब्रास्का ल्याउने निर्णय गरेको हो । शनिबार सोसाइटीका अध्यक्ष राज आचार्यको अध्यक्षतामा बसेको बैठकले सो कुरा पारित गरेको छ । नेपाल आइडल सिजन २ विजेता रवि ओढ, फस्ट रनर अप विक्रम बराल र सेकेन्ड रनर अप सुमित पाठकको बेजोड प्रस्तुती रहने सो कार्यक्रममा सहभागी भई मनोरन्जन लिन सोसाइटीले सबैलाई आग्रह समेत गरेको छ । कार्यक्रम हुने हल र टिकट सम्बन्धि जानकारी भने केही दिनमा जानकारी गराइनेछ ।
यसैवीच सोसाइटीले आगामी मार्च ३ तारिख आइतबार गर्न लागेको महाशिवरात्री पुजा तथा भजन किर्तन कार्यक्रमलाई व्यवस्थित गर्न जिम्मेवारी वाँगफाड गरेको छ । हिन्दु मन्दिर ओमाहामा साँझ ४ बजेदेखि ८ बजेसम्म हुने कार्यक्रमलाई सम्पन्न गर्न उपाध्यक्ष कृष्ण कँडेल र कोषाध्यक्ष धु्रव पौडेललाई हल व्यवस्थापन, पब्लिक रिलेसन संयोजक सुमित्रा न्यौपाने, मनिषा महर्जन र मिना आचार्यको संयोजकत्वमा प्रसादी व्यवस्थापन र सदस्य बसन्त श्रेष्ठको संयोजकत्वमा भजन किर्तन समुह व्यवस्थापन रहने गरि जिम्मेवारी तोकिएको छ ।
यसैवीच बैठकले बाँकि कार्यावधी सम्पन्न गर्न यस वर्ष समितिमा रहने सम्पुर्ण पदाधिकारीको अन्तिम नामावली टुंगो लगाई जिम्मेवारी समेत हेरफेर गरेको छ । यसको पूर्ण विवरण सोसाइटीको वेभसाइट  www.nnsociety.org  मा गई हेर्न सक्नुहुनेछ ।
साथै बैठकले सोसाइटीको आफ्नो भवन निर्माणमा लागि पर्न तथा सदस्यता वितरण अभियानलाई अगाडि बढाउन कार्यसमितिबाटै एक समिति बनाई अघि बढ्ने निर्णय गरेको छ ।
 

Share: