नेब्रास्का नेप्लीज सोसाइटीले आयोजना गरि सम्पन्न गरेको नया वर्ष शुभकामना साँझ तथा हिमाल सागर लाइभकन्सर्टको आयव्यय सार्वजनिक गरेको छ ।
शनिवार आयोजित सोसाइटीको विशेष बैठकको अवसर पारी सोआयव्यय सार्वजनिक गरिएको हो ।
सोसाइटीका अध्यक्ष राज आचार्यको अध्यक्षतामा सम्पन्न बैठकमा सचिव धिरेन्द्रन्यौपानेले आयव्यय प्रस्तुत गर्नुभएको थियो ।
जसअनुसार जम्मा आम्दानी ७ हजार ६ सय २६ डलर ($7,626.00), खर्च ५ हजार ७ सय ४६ डलर ($5,746.00) गरि
जम्मा १ हजार ८ सय ७९ डलर ($1,879.00) नाफा देखिएको छ ।
जसअन्तर्गत आम्दानीतर्फ टिकटबाट ४ हजार ५ सय २५ डलर ($4,525.00), विभिन्न संस्थाको स्पोन्सरबाट २ हजार डलर ($2,000.00),
ड्रिंक्सबाट १ हजार १ ($1,001.00) र नविन सापकोटाको तर्फदेखि १ सय डलर ($100.00) सहयोग रहेको छ ।
यसैगरि खर्चतर्फ कलाकार प्लेन भाडा (नेपाल-अमेरिका) अन्तर्गत १ हजार २ सय ३ डलर ($1,203.00), कलाकार स्टेज प्रस्तुति १ हजार डलर ($1,000.00), कार्यक्रम हल खर्च ८ सय डलर ($800.00), साउण्ड सिस्टम तथा
स्टेज सजावटमा १ हजार ५ सय डलर ($1,500.00), ड्रिंक्स खरिदमा ७ सय ३९ डलर ($739.00),
सेक्युरिटी व्यवस्थापनमा २ सय डलर ($200.00), अल्कोहल अनुमतिपत्रमा ६८ डलर ($68.00)
र विविधसाना खर्च गरि २ सय ३६ डलर ($236.00) रहेको छ ।
केही विलहरु प्रमाणित हुन बाँकि रहेकोले पछि केहि सानो रकम खर्चमाजोडिने र अर्को बैठकमा जानकारी
गराइने समेत बैठकमा जानकारीगराइएको थियो ।
यसैगरि बैठकले विभिन्न विषयहरुमाथि छलफल गरि निम्नलिखित निर्णयहरु गरेको छ :
- नया वेभसाइट निर्माणको लागि भएको खर्च १ हजार ९ सय ५० डलर बैठकले पारित गरेको छ । करिव ५ देखि ६ हजार डलरको लागत लाग्ने वेभसाइट सोसाइटीका आइटीअफिसर राजेन्द्र श्रेष्ठले बाँकि रकम सोसाइटीका लागि आफु र आफ्नो कम्पनिले सहयोग गनुभएको हो ।
- कम्युनिटि सेन्टर प्रोजक्ट कमिटिको संयोजकमा इश्वर ढकाललाई चयन गरेको छ । छिट्टै सोसाइटीले कमिटिकोमिटिङमा छलफल गरि कामलाई तिव्रता दिइनेछ ।
- बैँकमा साधारण अपरेटिङ खातामा रहेको रकम मध्ये २० हजार डलर रकम कम्युनिटि सेन्टर प्रोजेक्ट खातामा ट्रान्सफर गर्ने निर्णय गरेको छ ।
- आगामि कार्यक्रम गर्नको लागि हल व्यवस्थापन समितिमा साँस्कृतिक कार्यक्रम संयोजक अमर थापाको संयोजकत्वमा राज आचार्य, राजेन्द्र श्रेष्ठ, धिरेन्द्र न्यौपाने र राजीव सापकोटा सम्मेलित ५ सदस्यिय समिति गठन गरिएको छ ।
- सोसाइटीको मिटिङ अव प्रत्येक महिनामा एक पटक नियमित हुनेछ । जसमा महिनाको अन्तिम शनिवार र अन्तिम आइतवार पालैपालो हुनेछ । स्थान र समयको लागि भने सबै बोर्ड मेम्बरहरुले इमेल प्राप्त गर्नुहुनेछ ।
- साउण्ड सिस्टम रिपेयर तथा सिकागो इभेन्टको लागि अध्यक्ष राज आचार्यले संयोजन गनुहुनेछ ।
- एसियन फेस्टिवलको लागि सुमित्रा न्यौपानेको संयोजकत्वमा अमर थापा र धिरेन्द्र न्यौपाने सम्मेलित समितिले सबै जिम्मेवारी सम्पन्न गर्ने
- संयोजक अमर थापाको संयोजकत्वमा तीज कार्यक्रमको लागि हल तथा अन्य व्यवस्थापनको लागि जिम्मा दिने । हलको आधारमा सेप्टेम्बर १ वा ८ मा कार्यक्रम गर्ने अर्को बैठक सम्ममा अन्तिम निर्णय गरिसक्नुपर्ने
- कोषाध्यक्ष धु्रव पौडेलको संयोजकत्वमा अहिलेसम्मको आर्थिक हिसावकिताव सार्वजनिक रुपमा वेभसाइटमा राख्ने, त्यसको लागि विवरण आइटि अफिसर राजेन्द्र श्रेष्ठसँग उपलब्ध गराउने ।
साथै बैठकले अन्य विषयहरुमा समेत छलफल गरि निर्णय गरेको छ । सोसाइटीले सबैको सहयोगको कारण कार्यक्रम समग्रमा सफल रहेकोले सवै नेब्रास्काबासी नेपाली
दाजुभाइ तथा दिदिबहिनीहरुलाई धन्यवाद ज्ञापन समेत गरेको छ ।
बैठकमा अध्यक्ष राज आचार्य, उपाध्यक्ष कृष्ण कँडेल, सचीव धिरेन्द्र न्यौपाने, आइटी अफिसर राजेन्द्र श्रेष्ठ, संयोजकहरु सुमित्रा न्यौपाने र कल्पु राई सदस्यहरु
राजीव सापकोटा, रमेश केसी, सल्लाहकारहरु विनोद खड्का र हरिओम प्रधान, कम्युनिटि सेन्टर प्रोजेक्ट संयोजक इश्वर ढकाल लगायतले आफ्नो भनाई राख्नुभएको थियो ।
Download
